తాజా వార్తలు ఓటే ఆయుధం!         కార్తీక సోమవారం...శివాలయాలు కిటకిట         తారీకు : 23-10-2017
 
ఒకటే అభిమతం
సంపాదన.. ఖర్చు కోసమేగా.. ఇంటి ఖర్చులకు వెనుకాడని పేదలు
గ్రామీణ ముస్లింలదే పైచేయి
పట్టణాల్లో క్రైస్తవులు ముందు
మతాలవారీగా నెలవారీ తలసరి వినియోగ వ్యయం లెక్కింపు
జాతీయ శాంపుల్‌ సర్వేతో ఉమ్మడి ఏపీ తీరు విశ్లేషణ
అమరావతి : దేశ ప్రజల ఆదాయ వ్యయాల్లో చెప్పుకోదగిన మార్పులు చోటుచేసుకుంటున్నాయి. సంపాదనకు, ఖర్చుకు పొంతన ఉండటం లేదు. గ్రామాలు, పట్టణాల్లో వివిధ మతాలకు చెందినవారి ఆదాయ, వ్యయాలపై మనోజిత్‌ దాస్‌ నిర్వహించిన జాతీయ శాంపుల్‌ సర్వే ఈ వివరాలను వెల్లడించింది. జాతీయ శాంపుల్‌ సర్వే.. 66, 68వ రౌండ్‌ల ఆధారంగా మతాలవారీగా కుటుంబాలు చేస్తున్న ఖర్చులను ఈ సర్వే విశ్లేషించింది. వివిధ రాష్ట్రాలు, కేంద్ర పాలిత ప్రాంతాల నుంచి సేకరించిన సమాచారాన్ని మతాలవారీగా విభజించి అధ్యయనం చేశారు. నెలవారీ తలసరి వినియోగ వ్యయాన్ని(ఎంపీసీఈ) లెక్కించారు.

ప్రతి మతానికీ చెందిన కుటుంబాలను 10 సెక్టార్లుగా విభజించి అధ్యయనం చేశారు. పట్టణాలు, గ్రామాల్లో వేర్వేరుగా సర్వే నిర్వహించారు. ఉమ్మడి ఆంధ్రప్రదేశ్‌లో గ్రామీణ ప్రాంతాల నుంచి 618 మంది హిందువులు, 3,214 మంది ముస్లింలు, 92 మంది క్రైస్తవులు... పట్టణాల్లో 2,453 మంది హిందువులు, 421 మంది ముస్లింలు, 89 మంది క్రైస్తవుల నుంచి ఈ వివరాలు సేకరించారు. దేశవ్యాప్తంగా గ్రామాల నుంచి 59,683 మందిని, పట్టణాల నుంచి 41,968 మందిని శాంపుల్‌ సర్వేకు ఎంచుకున్నారు. ఈ సర్వేలో తేలిన వివరాల ప్రకారం... గ్రామీణ ప్రాంతాల్లో ముస్లింల ఇంటి ఖర్చు పెరిగింది. పట్టణాల్లో పరిస్థితి ఇందుకు భిన్నంగా ఉంది.

గ్రామీణ ప్రాంతాల్లో ఎంపీసీఈ పోల్చి చూస్తే ఉమ్మడి ఏపీ కంటే పంజాబ్‌, కేరళ, జమ్ము కశ్మీర్‌, హిమాచల్‌ప్రదేశ్‌. హరియాణా రాష్ట్రాలు ముందున్నాయి.
పట్టణ హిందువుల ఎంపీసీఈ ఉమ్మడి ఏపీ కంటే హరియాణా, హిమాచల్‌ప్రదేశ్‌, కర్ణాటక, కేరళ, మహారాష్ట్రల్లో ఎక్కువ ఉండగా... మిగిలిన రాష్ట్రాలు తక్కువ ఎంపీసీఈ కలిగి ఉన్నాయి.
గ్రామాల్లో ముస్లిం ఎంపీసీఈ ఉమ్మడి ఏపీ కంటే హరియాణా, కేరళ, పంజాబ్‌లో ఎక్కువ ఉండగా... మిగిలిన రాష్ట్రాల్లో తక్కువగా ఉంది. పట్టణాల్లో ముస్లింల ఎంపీసీఈ ఉమ్మడి ఏపీ కంటే హిమాచల్‌ప్రదేశ్‌, కేరళ, మహారాష్ట్రలో మాత్రమే ఎక్కువగా ఉంది. క్రైస్తవులకు సంబంధించిన ఎంపీసీఈ ఉమ్మడి ఏపీ గ్రామీణ ప్రాంతాల్లో కంటే హిమాచల్‌ప్రదేశ్‌, కర్ణాటక, కేరళ, మధ్యప్రదేశ్‌, మహారాష్ట్ర, పంజాబ్‌, తమిళనాడులోని గ్రామాల్లో ఎక్కువగా ఉంది. పట్టణ క్రైస్తవుల ఎంపీసీఈ ఉమ్మడి ఆంధ్రప్రదేశ్‌ కంటే గుజరాత్‌, హరియాణా, జమ్ము కశ్మీర్‌, కర్ణాటక, కేరళ, మధ్యప్రదేశ్‌, మహారాష్ట్ర, ఒడిసాల్లో ఎక్కువగా ఉంది.
ఖర్చులో పేద ముస్లింలే ముందు
ఉమ్మడి ఆంధ్రప్రదేశ్‌లోని గ్రామీణ ప్రాంతంలో అత్యంత పేదరికంలో ఉన్న 10 శాతం హిందూ కుటుంబాల సరాసరి ఎంపీసీఈ రూ.591లు ఉండగా ఇది దేశ సగటు (రూ.594) కంటే తక్కువ. ఈ గ్రూపులో ముస్లింలు రూ.613, క్రైస్తవులు రూ.648, ఇతరులు రూ.803 వ్యయం చేస్తున్నారు.
పట్టణ ప్రాంతాల్లో క్రైస్తవుల వ్యయం అత్యధికంగా రూ.1,043లుగా ఉండగా వారి తర్వాత హిందువులు రూ.818లతో ఉన్నారు. పట్టణాల్లో సరాసరి ఎంపీసీఈ కంటే ముస్లింలు అతి తక్కువగా రూ.802 ఖర్చు పెడుతున్నారు.
ఒకటే అభిమతం
సీబీఐ స్పెషల్‌ డైరెక్టర్‌గా రాకేశ్‌ ఆస్థానా
భారత్‌కు సాయుధ డ్రోన్లు!
రూ.100 కోట్లు అలంకరణ.. కోరిన కోర్కెలు తీరునట
అంతరిక్షంలోనూ స్పిన్నర్‌ పిచ్చి!
న్యూట్రాన్‌ తారల ఢీతో పుట్టిన బంగారం
కమనీయం.. కడు రమణీయం.. రామచిలుక పుష్పాలు
‘పది’ నాణెం చెల్లదా?
యూకే యువ మిలియనీర్‌గా భారతీయుడు
టార్గెట్‌ గుజరాత్‌: మోదీ మెగా ర్యాలీ
వ్యాపార రంగం
క్రీడలు
జీవనశైలి
నవనిర్మాణం
Copyright © 2016 Rajadhanivartalu.com | All rights reserved. Visitor No :146295                      Contact Us || admin@rajadhanivartalu.com